2018 წლის 17 მაისს სასტუმრო „რადისონში“ გაიმართა „დამოუკიდებელ დირექტორთა გაერთიანების ‘’ წევრთა საერთო კრება. გასული პერიოდის ანგარიში გაერთიანების წევრებს გამგეობის წევრმა ტარიელ გვალიამ გააცნო. შეკრებაზე მოხდა გაერთიანების ახალი წევრის, სს „სილქნეტის’’ დამოუკიდებელი დირექტორის ტედ ჯონასის წარდგენა. ბატონმა ჯონასმა ისაუბრა საქართველოში თავისი 24 წლიანი ბიზნეს გამოცდილებისა და კარიერის შესახებ. გაერთიანების წევრებმა გამოთქვეს თავიანთი მოსაზრებები განხილულ საკითხებთან დაკავშირებით.
