2018 წლის 13-14 მარტს სასტუმრო ჰოლიდეი ინნში გაიმართა სემინარი: პატიოსნება მცირე და საშუალო ბიზნესში რეგიონის ქვეყნებში (სომხეთი, აზერბაიჯანი, ბელორუსი, საქართველო, მოლდოვა, თურქეთი, უკრაინა). სემინარი ორგანიზებული იყო ევროპის რეკონსტრუქციისა და განვითარების ბანკისა და ეკონომიკური თანამშრომლობისა და განვითარების ორგანიზაციის მიერ, გაეროს განვითარების პროგრამის მხარდაჭერით.

 

 სემინარის გახსნაზე სიტყვით გამოვიდნენ საქართველოს მთავრობის პირველი ვიცე-პრემიერი დიმიტრი ქუმსიშვილი, საქართველოს პარლამენტის საფინანსო-საბიუჯეტო კომიტეტის თავმჯდომარე ირაკლი კოვზანაძე, ევროპის რეკონსტრუქციისა და განვითარების ბანკის კავკასიის, მოლდოვასა და ბელორუსის დირექტორი ბრუნო ბალვანერა.

სემინარის მსვლელობისას მონაწილეებმა შეიმუშავეს რეკომენდაციები ქვეყნების ნაციონალური სამოქმედო გეგმების შესადგენად მცირე და საშუალო ბიზნესში ეთიკური ქცევისა და ანტიკორუფციული ღონისძიებების შესახებ. საქართველოს ჯგუფის მოდერატორი, რომლის წევრებიც იყვნენ ბრუნო ბალვანერა, მარიამ მეღვინეთუხუცესი, ერეკლე ურუშაძე, დევიდ ლი, ირაკლი კოტეტიშვილი, იყო დამოუკიდებელ დირექტორთა გაერთიანების გამგეობის წევრი ტარიელ გვალია.