წევრები

ტარიელ გვალია
საბჭოს წევრი

ტარიელს აქვს 30 წელზე მეტი ხნის გამოცდილება საბანკო და საფინანსო ინდუსტრიაში. 1995 წლიდან ის იყო თბილუნივერსალბანკის დამფუძნებელი და მთავარი აღმასრულებელი დირექტორი, მის საქართველოს ბანკთან შერწყმამდე (ქვეყნის უდიდესი ბანკი, დაშვებულია ლონდონის საფონდო ბირჟაზე, FTSE 250). შერწყმის შემდგომ, ტარიელმა დაიკავა საქართველოს ბანკის სამეთვალყურეო საბჭოს თავმჯდომარის მოადგილის თანამდებობა. 2008 წლიდან 2010 წლამდე მას ეკავა ბელარუსის სახალხო ბანკის დირექტორთა საბჭოს თავმჯდომარის თანამდებობა, სადაც ის ამჟამადაც საქმიანობს, როგორც დამოუკიდებელი დირექტორი. ტარიელ გვალიამ საქართველოში დააფუძნა რამდენიმე წამყვანი კომპანია, როგორებიცაა: GCG აუდიტი, Galt & Taggart და საქართველოს სალიზინგო კომპანია. გარდა ამისა, ის არის საქართველოს საფონდო ბირჟის სამეთვალყურეო საბჭოს წევრი, BARTA საქართველოს ჟიურის წევრი, აფხაზი სტუდენტების დახმარების ფონდის დამფუძნებელი და გამგეობის თავმჯდომარე. ტარიელს აქვს, ივანე ჯავახიშვილის სახელობის თბილისის სახელმწიფო უნივერსიტეტის ისტორიისა და ეკონომიკური მეცნიერებების მაგისტრის ხარისხი..

დოქ. საშა ტერნესი
საბჭოს წევრი

საშას, რომელიც არის გერმანიის მოქალაქე, აქვს განვითარებადი ეკონომიკის მქონე ქვეყნების ფინანსური ბაზრების 20 წლიანი ხელმძღვანელობის გამოცდილება, განმტკიცებული საბანკო და საფინანსო სფეროში დატოვებული მნიშვნელოვანი კვალით. ის 2007 წლიდან ცხოვრობს საქართველოში, სადაც თავდაპირველად იყო პროკრედიტ ბანკი საქართველოს (მესამე უდიდესი ბანკი ქვეყანაში, ბაზრის ლიდერი მიკრო, მცირე და საშუალო საწარმოების სესხებში) ფინანსური დირექტორი, ხოლო მოგვიანებით ამავე ბანკის გენერალური დირექტორი. შემდგომ საქართველოს ბანკის (ქვეყნის უდიდესი ბანკი, დაშვებულია ლონდონის საფონდო ბირჟაზე, FTSE 250) გენერალური დირექტორის მოადგილე თანამდებობებს. 2015 წელს საშამ დააარსა ტერნეს უძრავი ქონების ფონდი, პიონერი საქართველოში მაღალშემოსავლიანი უძრავი ქონების პორტფოლიოების შექმნისათვის კოლექტიურ ინვესტიციებში, რომელიც 2017 წელს შეიძინა BlueOrchard-მა, შვეიცარული Impact Investment Manager-მა, სადაც საშა ტერნესს უკავია უფროსი ვიცე-პრეზიდენტის თანამდებობა. საქართველოში ჩამოსვლამდე, 13 წლის განმავლობაში საშას ეჭირა სხვადასხვა ხელმძღვანელი პოზიცია გერმანულ ტექნოლოგიურ ჯგუფში, რომელიც ფოკუსირებული იყო საერთაშორისო განვითარებაზე და ინვესტირებაზე. ის პასუხისმგებელი იყო 10 ქვეყანაში მრავალგვარი ოპერაციების განხორციელებასა და თვალყურის დევნებაზე და მისი მოვალეობები მოიცავდა აქტივობებს ცენტრალურ და აღმოსავლეთ ევროპაში და ახლო აღმოსავლეჩი. საშას აქვს განათლება ფინანსებსა და ბიზნესის ადმინისტრირებაში და დაჯილდოვებულია გერმანიის განათლებისა და მეცნიერების მინისტრის მიერ დადასტურებული, საპატიო დოქტორის ხარისხით. საშა არის საქართველოს საფინანსო ზედამხედველობის სააგენტოს საბჭოს წევრი (FSA). მას ასევე, მოხალისეობრივ საწყისებზე, დაკავებული აქვს გერმანიის ეკონომიკური გაერთიანების თავმჯდომარის (DWV), ასევე თბილისის გერმანული საერთაშორისო სკოლის თავმჯდომარის პოზიციები, იგი არის ორივე ორგანიზაციის თანადამფუძნებელი.
 

გიორგი ღლონტი
საბჭოს წევრი

ბანკირი და ფინანსისტი, ამ სფეროში 20 წელზე მეტი ხნის მუშაობის პრაქტიკით. 10 წელზე მეტი ხნის წარმატებული გამოცდილებით სტრატეგიულ და კრიზისების მართვაში. ამჟამად "პაშა ბანკი საქართველოს" სამეთვალყურეო საბჭოს დამოუკიდებელი წევრი და აუდიტის კომიტეტის თავმჯდომარე, "SWIFT სერვის ბიურო საქართველოს" არააღმასრულებელი ვიცე პრეზიდენტი. მენეჯერულ კონსულტაციაში და ბიზნესის შემობრუნებაში (Turnarounds) სპეციალიზირებული დამოუკიდებელი კონტრაქტორი. საქართველოს დამოუკიდებელი დირექტორთა გაერთიანების გამგეობის წევრი. საბანკო და ფინანსების სფეროში ცოდნის და გამოცდილების გამოყენებით ფინტექ პროექტების ინიციატორი. წარსული მიღწევები მოიცავს - კრიზის მენეჯერის როლში ადგილობრივი (საქართველო) წამყვანი ფასიანი ტელევიზიის ზარალიანი ბიზნესის აღმასრულებელი მენეჯმენტის გადმობარება, შემოსავლების ტრანსფორმაცია, საოპერაციო მოგების და მომხმარებელთა ბაზის გაორმაგება; აღმასრულებელი დირექტორის როლში ადგილობრივი (საქართველო) კომერციული ბანკების (დღეს ლიბერთი ბანკი და ტერა ბანკი) წარმატებული შემობრუნებები და ტრანსფორმაციები; ვიცე პრეზიდენტის როლში ცენტრალური ბანკის ოპერაციების ოპტიმიზაცია და მარეგულირებელი ბაზის მოდერნიზება. 1994 წელს დაამთავრა თბილისის სახელმწიფო უნივერსიტეტი ეკონომიკის მაგისტრის ხარისხით ბანკების და ფინანსების სპეციალობით. 

ვიქტორ ყიფიანი
საბჭოს წევრი

ვიქტორი არის იურიდიული ფირმა „მგალობლიშვილი, ყიფიანი, ძიძიგური“-ს (MKD) დამფუძნებელი და აღმასრულებელი პარტნიორი. მას აქვს სხვადასხვა საერთაშორისო და ადგილობრივი, როგორც სახელმწიფო, ისე კერძო კომპანიებისა და ინსტიტუციებისთვის მნიშვნელოვან პროექტებზე სამართლებრივი კონსულტაციის 20 წლიანი გამოცდილება, მათ შორის, ბიზნეს სამართლის, პროექტების დაფინანსების, საბანკო, კაპიტალის ბაზრის, საინვესტიციო სამართლის, ენერგეტიკის, ტრანსპორტის, მარეგულირებელი და კორპორაციული სამართლის სფეროში. იგი ასევე ეწევა საქმიანობას შედარებით სამართალმცოდნეობასა და საჯარო სამართალში. გარდა ამისა, ვიქტორს აქვს სამთავრობო უწყებებთან ერთად მუშაობის მნიშვნელოვანი ცოდნა და გამოცდილება, გლობალური კომპანიებისათვის მათი ადგილობრივ ბაზარზე წარმატებული მოღვაწეობისათვის რჩევების მიცემის საკითხში. მას აქვს, თბილისის სახელმწიფო უნივერსიტეტის წარჩინების დიპლომი სამართალში, ექსეტერის უნივერსიტეტის (ჩივნინგის სტიპენდია) სამართლის მაგისტრის ხარისხი და ვაშინგტონის უნივერისტეტის დოქტორის ხარისხი ბიზნესის ადმინისტრირებაში. ვიქტორი არის საქართველოს ადვოკატთა ასოციაციის წევრი, საქართველოს იურისტთა ეროვნული ასოციაციის საბჭოს წევრი და საქართველო-უკრაინის ბიზნეს კლუბის თანათავმჯდომარე. ის რეკომენდირებულია როგორც წამყვანი კერძო იურისტი ყველა ძირითადი საერთაშორისო ცნობარისა და გამომცემლობის მიერ საქართველოში, მათ შორის საერთაშორისო საფინანსო სამართლებრივი მიმოხილვის, Chambers Global-ის, Chambers Europe-ის, Who's Who Legal-ის, The Legal 500-ის მიხედვით. ვიქტორი რეგულარულად წერს სხვადასხვა სამართლებრივ, ბიზნეს და საჯარო თემებზე ადგილობრივ და უცხოურ გამომცემლობებში და მონაწილეობს, როგორც წარმომადგენელი და შუამავალი სხვადასხვა საშინაო თუ საგარეო საკითხებში.   

გიორგი ნასყიდაშვილი
წევრი

გიორგის სამუშაო გამოცდილება საბანკო-საფინანსო სფეროში 13 წელს ითვლის. მას ეკავა საშუალო და მაღალი მმართველობითი პოზიციებზე ქართულ ბანკებში, კერძოდ: საქართველოს ბანკში, ბითიეი ბანკსა და პროგრეს ბანკში. პარალელურად გიორგი მონაწილეობდა როგორც კერძო ინვესტორი და მმართველი პარტნიორი რამდენიმე სტარტაპ პროექტში სხვადასხვა სფეროში, მათ შორის სოფლის მეურნეობაში, წარმოებასა და საფინანსო მომსახურებაში. 2010 წლიდან გიორგი მიკროსაფინანსო ორგანიზაცია სს ქართული კრედიტის გენერალური დირექტორია, ხოლო 2014 წლიდან - შპს ასპრია ჯგუფის (სქართველოში ფიტნეს კლუბების ყველაზე დიდი ქსელი) სამეთვალყურეო საბჭოს დამოუკიდებელი თავმჯდომარე. გიორგი ფლობს თბილისის სახელმწიფო უნივერსიტეტის ეკონომიკის მაგისტრისა და ბრემენის უნივერსიტეტის დოქტორის ხარისხს. 

პროფ. ირაკლი კოვზანაძე
წევრი

Irakli has more than 20 years of experience of working as CEO in the banking system of Georgia, sitting on the boards of the leading banks in post-Soviet countries and Europe and is one of the pioneers of the challenging reform process of financial sector of emerging countries. As MP he served as a Chairman of Finance and Budget Committee of the Parliament of Georgia (2004-2008) and as a Chairman of the Task Force of EBRD/OECD on corporate governance of banks in Eurasia (2007-2009). Until 2015 Irakli served as CEO of JSC Partnership Fund, a state owned investment fund of Georgia with asset value of more than $3 billion. Currently he is the Chairman of Georgia’s Financial Supervision Agency (FSA) and Professor at Ivane Javakhishvili Tbilisi State University. Irakli has published six books and more than 50 articles in economics, including problems of the genesis, development and manifestation of systemic banking crises, their forecasting and prevention. 

გიორგი ქეშელაშვილი
წევრი

გიორგის აქვს 20-ზე მეტ წლიანი გამოცდილება ფინანური / საგადახდო ტექნოლოგიებსა და საბანკო საქმეში, პრაქტიკული მუშაობის გამოცდილებით საქართველოსა და აღმოსავლეთ ევროპის ქვეყნებში. კერძოდ აღნიშნული გამოცდილება მოიცავს ორგანიზაციები ზოგად მენეჯმენტს, (კრიზისული მენეჯმენტის და კომპანიების რეაბილიტაციის ჩათვლით) რეგიონალური და საერთაშორისო საგადახდო ქსელების შექმნა/განვითარებას, სტრატეგიოული პროექტების მართვა/განხორციელებას მათ შორის: კომპანიების შესყიდვას და გაერთიანებას (M&A), საოპერაციო და ტექნოლოგიური პლატფორმების მიგრაციას და ა.შ. დღეისათვის გიორგი სხვადასხვა კომპანიების მფლობელი და/ან პარტნიორია, აღნიშნულ კომპანიათა რიცხვშია: შპს “ბქსვუდი” - მსხვილი მასშტაბის საგადახდო ქსელების პროგრამულ/აპარატულ გადაწყვეტილებათა მწარმოებელი, ევროკავშირში დაფუძნებული მონ-ჰოლდინგი - ონ-ლაინ ფინანსური სერვისების პროვაიდერი, ისპეისი- ელექტრომანქანების ვენდორი და მანქანების დამუხტვის ქსელის ოპერატორი. პროფესიული მოღვაწეობის მანძილზე, გიორგი მუშაობდა სხვადასხვა ქართულ ბანკებში აღმასრულებელ პოზიციებზე, იყო დირექტორთა საბჭოების წევრი. სხვადასხვა დროს მუშაობდა ქვეყნის უმსხვილესი საბანკო ბარათების საპროცესინგო ცენტრის - ს.ს. ჯორჯიანქარდის გენერალურ დირექტორად, იყო საქართველოს ბანკის ჯგუფის ინფორმაციული ტექნოლოგიების დირექტორი, ჰოლდინგური კომპანია “ექსპრეს ტექნოლოჯი”-ის გენერალური დირექტორი, აღნიშნული კომპანია ფლობდა და ავითარებდა საბარათე ტრანზაქციების საპროცესინგო სიმძლავრეებს და ექვაირინგის, სატრანსპორტო-საგადახდო და ფინანსური თვითმომსახურების ქსელებს საქართველოსა და ევროკავშირის ქვეყნებში. 

სულხან გვალია
წევრი

სულხანს საქართველოს საბანკო სისტემაში მუშაობის 24 წლიანი გამოცდილება აქვს. აქდეან 10 წელი ის იყო თანადამფუძნებელი და მმართველის მოადგილე თბილუივერსალბანკში და 11 წელი საქართველოს ბანკის გენერალური დირექტორის მოადგილე რისკებისა (2005-2012) და კორპორატიული საბანკო საქმიანობის დარგში (2012-2016). სულხანი იყო წამყვანი ხელმძღვანელი თბილუნივერსალბანკში და 2004 წელს საქართველოს ბანკმა შეიძინა ეს ბანკი. ამ გარიგების შემდეგ სულხანი შეუერთდა საქართველოს ბანკის გუნდს. საქართველოს ბანკის აქციები 2006 წლიდან ლონდონის საფონდო ბირჟაზე ივაჭრება, ხოლო 2012 წლიდან საქართველოს ბანკის აქციები ლონდონის ბირჟის ძირითად ბაზარზე დაიშვა და ბანკი შევიდა ფუტსი 250 კომპანიის სიაში. სულხანს განათლება აქვს მიღებული სამართალში საქართველოს სახელმწიფო უნივერსიტეტში და საბანკო საქმეში ფრანკურტის ბანკ - აკადემიაში.

კახა ბაინდურაშვილი
წევრი

კახა ბაინდურაშვილი 2009-2011 წლებში გახლდათ საქართველოს ფინანსთა მინისტრი. მის მინიტრის პორტფელში შედიოდა ისეთი სფეროები, როგორებიცაა: ფისკალური პოლიტიკა, სახელმწიფო ფინანსების მართვა, საგადასახადო და საბაჟო პოლიტიკა, სახელმწიფო ვალის მართვა, შიდა აუდიტი და სხვადასხვა კრიტიკული ეკონომიკური სახის გადაწყვეტილებები. იგი ამჟამად საქართველოს სავაჭრო-სამრეწველო პალატის საბჭოს თავმჯდომარეა და ხელმძღვანელობს საოჯახო საინვესტიციო კომპანია უილსფორტს, რომელსაც გააჩნია ოფისები საქართველოში, თურქეთში, აზერბაიჯანსა და სომხეთში. 2012 წლის ბოლომდე იგი ასევე გახლდათ ორი მსხვილი კომპანიის საქართველოს ფოსტისა და საქართველოს ლატარეის სამეთვალყურეო საბჭოს თავმჯდომარე. ბაინდურაშვილი აგრეთვე გახლდათ საქართველოს ფინანსთა მინისტრის პირველი მოადგილე, ხოლო 2007 წლამდე კი საქართველოს სახელმწიფო საგადასახადო დეპარტამენტის თავმჯდომარე. სხვა საკითხებთან ერთად მას გააჩნია პროფესიონალური ცოდნა ისეთ სფეროები, როგორებიცაა: სახელმწიფო და კორპორატიული ფინანსები, შედეგზე ორიენტირებული გარდამავალი მენეჯმენტი, მაკროეკონომიკა, პოლიტიკური მიმოხილვა, დერეგულაცია, ანტი-კორუფციული რეფორმები, სავაჭრო და საერთაშორისო ურთიერთობები, საგადასახადო და საბაჟო საკითხები. იგი ამასთანავე არის საქართველოს საერთაშორისო საარბიტრაჟო ცენტრის საბჭოს წევრი. ბაინდურაშვილი დაიბადა ქალაქ თბილისში 1978 წელს და 2000 წელს დაამთავრა თბილისის სახელმწიფო უნივერსიტეტი ეკონომიკის მაგისტრის წოდებით, ხოლო 2006 წელს აშშ-ში, მასაჩუსეთსის შტატში დაამთავრა უილიამსის კოლეჯი ეკონომიკის მაგისტრის წოდებით. კახა ბაინდურაშვილი დაჯილდოვებულია საქართველოს სახელმწიფოს უმაღლესი ღირსების ორდენით - პრეზიდენტის ბრწყინვალების ორდენით.

თედ ჯონას
წევრი

თედ ჯონასი არის ვაშინგტონში ლიცენზირებული იურისტი აშშ-ში მიღებული განათლებით და კვალიფიკაციით. იგი არის სამეთვალყურეო საბჭოს დამოუკიდებელი წევრი სს ანაკლიის განვითარების კონსორციუმში, რომელიც მონაწილეობას იღებს დიდი ზომის საკონტეინერო გემებისათვის საქართველოს შავი ზღვის სანაპიროზე პირველი ღრმაწყლოვანი პორტის მშენებლობაში. ასევე, თედი არის სამეთვალყურეო საბჭოს წევრი კავკასიის ბუნების ფონდში (Caucasus Nature Fund), 100 მილიონი ევროს სატრასტო ფონდი არსებული გერმანიაში, მისი საპროგრამო ოფისით თბილისში, და რომელიც მიზნად ისახავს საქართველოს, სომხეთის და აზერბაიჯანის დაცული ტერიტორიების თანადაფინანსებას და ზრდას. მანამდე თედი იყო სამეთვალყურეო საბჭოს პირველი დამოუკიდებელი წევრი სს სილქნეტში, სადაც იგი ეხმარებოდა ჯეოსელის შესყიდვის ზედამხედველობაში, პირველი ევრობონდების განთავსებაში, და კორპორაციული მართვის და შიდა აუდიტის პრაქტიკის ძირეულ მოდერნიზებაში. იგი აგრეთვე 10 წლის განმავლობაში (2006-2016) იყო თბილისში ამერიკის სავაჭრო პალატის დირექტორთა საბჭოს წევრი. თედი იყო საქართველოში DLA Piper -ის მმართველი პარტნიორი და Dentons -ის თბილისის ოფისის მთავარი იურისტი 2005-2021 წლებში, და აქვს 30 წლიანი კერძო იურიდიული პრაქტიკის გამოცდილება, საიდანაც უდიდესი ნაწილი არის საერთაშორისო დონის წამყვან იურიდიულ ფირმებში მუშაობისას. თედი მუშაობდა საქართველოს ეროვნული დემოკრატიული ინსტიტუტში ამ უკანასკნელის დამოუკიდებლობის ადრეულ წლებში, აშშ კონგრესის ორ წევრთან 1980 წელს, და აშშ სააპელაციო სასამართლოს მოსამართლის თანაშემწედ 1991-1992 წლებში. თედმა მიიღო ბაკალავრის ხარისხი ისტორიაში აშშ კორნელის უნივერსიტეტში 1984 წელს და იურისპრუდენციის დოქტორის საპატიო წოდება აშშ კორნელის სამართლის სკოლაში 1991 წელს. იგი არის აშშ და საქართველოს ორმაგი მოქალაქე და ცხოვრობს თბილისში ოჯახთან ერთად.

გალინა ალაგარდოვა
წევრი

გალინა, საბერძნეთის მოქალაქე, ფინანსური მენეჯმენტისა და კორპორაციული მართვის პროფესიონალია, რომელსაც აქვს +20 წლიანი გამოცდილება ფინანსურ მენეჯმენტში, პროექტების მართვაში, კორპორაციულ მართვაში, საჯარო ფინანსების მენეჯმენტსა და ზოგად ხელმძღვანელობაში სხვადასხვა პოზიციაზე KPMG - ში, საერთაშორისო საფინანსო კორპორაციაში (IFC), მსოფლიო ბანკსა და გლობალურ ფონდში (შვეიცარია). თავისი კარიერის განმავლობაში გალინა უწევდა კონსულტაციებს კერძო კომპანიებსა და ბანკებს კორპორაციულ მართვასთან დაკავშირებით, განსაკუთრებით ფინანსური გამჭვირალოების, აღრიცხვის, აუდუტისა და ანგარიშგების საკითხებში; იგი, კომპანიების ფინანსური მდგომარეობის ანალიზის საფუძველზე, ამუშავებდა სამოქმედო გეგმებს და აკვირდებოდა მათ ეფექტურ განხორციელებას. გალინა ამუშავებდა კორპორაციული მართვის ნორმატივებსა და კოდექსს საქართველოს ეროვნული ბანკისა და საქართველოს ფასიანი ქაღალდების ეროვნული კომისიისთვის, აგრეთვე ამზადებდა შიდა აუდიტის, წლიური ანგარიშგების წესდებებსა და კანონპროექტებს; შეიმუშავა შიდა აუდიტის, აუდიტორული კომიტეტისა და წლიური ანგარიშების დებულებები, ასევე კორპორაციული მართვის სახელმძღვანელოები და ფინანსური ფორმები ლისტინგური კომპანიებისთვის, სადაზღვევო კომპანიებისა და კომერციული ბანკებისთვის. გალინა ხელმძღვანელობდა რამოდენიმე საკმაოდ წარმატებულ პროექტებს საჯარო ფინანსების მენეჯმენტში (PFM) საქართველოსა და ცენტრალურ აზიაში, ამ პროექტების ფარგლებში უწევდა კონსულტაციებს პარტნიორებს და ატარებდა ტრენინგებს ფინანსურ მენეჯმენტთან დაკავშირებით. გალინა ხელმძღვანელობდა მსოფლიო ბანკის აღრიცხვისა და აუდიტის ROSC პროგრამას საქართველოში და აქტიურად მონაწილეობდა ქვეყანაში ბუღალტრული აღრიცხვისა და აუდიტის წარმატებულ რეფორმებში. ის კოორდინაციას უწევდა მთავრობასთან, დონორ საზოგადოებასთან, კერძო კომპანიებთან და ბანკებთან, პროფესიონალურ ორგანიზაციებთან და არასამთავრობო ორგანიზაციებთან მუშაობას. გალინა არის დიპლომირებული, სერტიფიცირებული ბუღალტერი (FCCA/ACCA). მას აქვს მაგისტრის ხარისხი სახელმწიფო მართვაში და ინჟინერის დიპლომი.

მალხაზ ძაძუა
წევრი

20 წელზე მეტი ხელმძღვანელობის გამოცდილება ფინანსურ სექტორსა და სოციალურ მეწარმეობაში, მათ შორის 15 წელი, როგორც წამყვანი მიკროსაფინანსო ორგანიზაციის გენერალური დირექტორი. არის რამდენიმე საერთაშორისო და ადგილობრივი ორგანიზაციის გამგეობისა და მმართველი საბჭოს წევრი, ხშირად მონაწილეობს ბიზნეს კონფერენციებსა და ფორუმებზე როგორც მოწვეული სპიკერი. მალხაზის პროფესიული კარიერა იწყება 1995 წელს, როგორც სოციალურ პროგრამებზე მომუშავე ადგილობრივი არასამთავრობო ორგანიზაციის მოხალისე სტუდენტი. მომდევნო წლებში ის წარმატებით აგრძელებს საქმიანობას ბიზნეს-კონსულტანტის, საკრედიტო ოფიცრის, ფილიალის მენეჯერისა და პროგრამის დირექტორის პოზიციებზე. 2004 წელს კი პარტნიორებთან ერთად ქუთაისში აფუძნებს მიკროსაფინანსო ორგანიზაციას „კრისტალი“ და ხდება მისი გენერალური დირექტორი მომდევნო 15 წლის განმავლობაში. ამ პერიოდში მალხაზის ხელმძღვანელობით კრისტალი ჩამოყალიბდა, როგორც მიკროსაფინანსო ბაზრის ლიდერი კომპანია საქართველოში (120 მილიონ დოლარზე მეტი აქტივები, 1,000-ზე მეტი დასაქმებული, 25% ბაზრის წილი) და წარმატებით დაიმკვიდრა ადგილი საერთაშორისო დონეზე. 2019 წლიდან მალხაზი პროფესიულ საქმიანობას აგრძელებს შვეიცარიაში, სოციალურად ორიენტირებული ფინანსებისა და ინვესტიციების კუთხით. არის ჰოლანდიის განვითარების ბანკის (FMO) მიერ ნომინირებული დამოუკიდებელი დირექტორი. მალხაზი არის ეკონომიკის მეცნიერებათა დოქტორანტი. ფლობს ფრანკფურტის ფინანსებისა და მენეჯმენტის სკოლის მაგისტრის ხარისხს ფინანსების მართვაში, ასევე საქართველოს სუბტროპიკული უნივერსიტეტის წარჩინების დიპლომს ეკონომიკასა და მართვაში.

გიორგი ტყეშელაშვილი
წევრი

გიორგი არის 15 წლიანი ხელმძღვანელობის გამოცდილების პროფესიონალი. გიორგის აქვს მნიშვნელოვანი ცოდნა და გამოცდილება სატელეკომუნიკაციო, ციფრული ტრანსფორმაციის და ელექტრონული კომერციის სფეროებში, ისევე როგორც საყოფაცხოვრებო საქონლის წარმოებასა და დისტრიბუციაში. ის იყო ბილაინის ფინანსური დირექტორი (2006 წლიდან) და შემდეგ დაწინაურდა გენერალური დირექტორის პოზიციამდე (2012 წლიდან). გიორგის გააჩნია კონსულტანტის და მრჩევლის მნიშვნელოვანი გამოცდილება, რომელიც მან მიიღო „საქართველოს კაპიტალში“ ტელეკომის, მედიის და ტექნოლოგიების დარგის კონსულტირებისას. ის აგრეთვე გახლდათ „საქართველოს ბიზნეს ასოციაციის“ სამეთვალყურეო საბჭოს წევრი. გიორგი არის ელექტრონული კომერციის პლატფორმა Degustate.comთანადამფუძნებელი და საყოფაცხოვრებო პროდუქციის მწარმოებელიდა სადისტრიბუციო კომპანია „ორეის“ თანადამფუძნებელი, რომელშიც სამეთვალყურეო საბჭოს თავმჯდომარეა. გიორგის აქვს მაგისტრის ხარისხი ეკონომიკასა და მენეჯმენტში, რომელის მიიღო მოსკოვის სახელმწიფო უნივერსიტეტში.

იური დოლიძე
წევრი

იური არის მაღალი რანგის პროფესიონალი, რომელსაც აქვს 25 წელზე მეტი გამოცდილება აუდიტის, საკონსულტაციო და მენეჯმენტის სფეროებში. პროფესიული მომსახურების ბაზრის განვითარების საწყის ეტაპებზე მან პარტნიორებთან ერთად დააარსა ორი წამყვანი აუდიტორული ფირმა, მუშაობდა Deloitte-ს და Ernst & Young-ის ადგილობრივ ექსპერტად, იყო ერთ-ერთი ინიციატორი PwC-ის საქართველოს ფილიალის გახსნისა 2005 წელს, სადაც ასრულებდა აუდიტის და საკონსულტაციო მომსახურების დირექტორის, ასევე აკადემიის ლიდერის ფუნქციებს 9 წლის მანძილზე. მისი პროფესიული პრაქტიკა აგრეთვე მოიცავდა საშემფასებლო მომსახურებას American Appraisal-თან თანამშრომლობით და ბიზნეს ქოუჩინგს. თავისი პროფესიული კარიერის განმავლობაში იური მნიშვნელოვნად იყო ჩართული პროფესიული საზოგადოების განვითარებაში. ის გახდა IFAC-ის წევრი საქართველოს პროფესიონალ ბუღალტერთა და აუდიტორთა ფედერაციის (ბაფ) ერთ-ერთი დამფუძნებელი, წარმოდგენილი ამ ორგანიზაციის საბჭოში და სხვადასხვა კომიტეტებში 15 წლის განმავლობაში. 2016 წელს იური საქართველოს პრემიერ-მინისტრის მიერ დაინიშნა ბუღალტრული აღრიცხვის, ანგარიშგებისა და აუდიტის ზედამხედველობის სამსახურის (SARAS) უფროსად, რათა ამ უწყებასთან ერთად შეესრულებინა ევროკავშირთან ასოცირების ხელშეკრულებით დაკისრებული ბუღალტრული აღრიცხვისა და აუდიტის სფეროების რეფორმირების ვალდებულება. ევროკომისიის შეფასებით, უპრეცედენტო მასშტაბის ბუღალტრული რეფორმა ყველაზე მოწინავეა საქართველოს მიერ ევროკავშირში წევრობის მისაღწევად განხორციელებულ ყველა ღონისძიებას შორის. SARAS-ში იურის უფროსობის ვადა 2021 წელს ამოიწურა და ამჟამად ის წარმოადგენს ბიზნეს ასოციაციებს ამავე სამსახურის საბჭოში. იური აგრძელებს ბუღალტრული აღრიცხვისა და აუდიტის რეფორმის მხარდაჭერას ახლა უკვე რეგიონალური მასშტაბით, მათ შორის საქართველოში, როგორც მსოფლიო ბანკის დამოუკიდებელი კონსულტანტი, სომხეთში, როგორც ADB კონრაქტორი და უკრაინაში, როგორც ევროკავშირის ექსპერტი. ახლახან ის აგრეთვე დაინიშნა ბუღალტრული რეფორმის ბენეფიციართა ფონდის (RSF) დირექტორის თანამდებობაზე.